Граѓани што чекаат ред за гласање може да се забележи на дел од избирачките места каде гласањето тече со примена на уредите за биометриска идентификација на гласачите.
Фотографиите кои „360 степени“ ги направи во основното училиште „Коле Неделковски“ во скопски Центар го покажуваат тоа. Во истиот објект, на дел од гласачките места уредите не функционираат, така што се гласа со оставање отпечаток од прст. Таму гласањето оди побрзо.
Шареноликост во начините на гласање има низ целата држава. На пример, во тетовско, на исто избирачко место, дел од граѓаните гласаат со примена на уредот за биометриска идентификација на гласачите, но дел за кои уредот не може да најде отисок во електронска база, се остава отпечаток од прст на хартиениот Избирачки список.
Од Државната изборна комисија претпладнево соопштија дека дале инструкции до Избирачките одбори редовно да го чистат скенерот каде што се остава отпечатокот од прст и гласачите посилно да притискаат кога го оставаат отпечатокот на скенерот.
Уредите за биометриска идентификација на гласачите својата „премиера“ ја имаат денеска зашто немаше време за пилот-проверка. Дле од граѓантие веќе реагираа јавно дека обидот да се гласа со нив се, всушност, фрлани пари попусто.
*ПОВРЗАНА ВЕСТ: Граѓански реакции за биометриските уреди: „Тоа се фрлени пари, гласав со отисок од прст“