Заедничка фотографија со лидерите на земјите членки на НАТО, вечерва објави кралицата Елизабета Втора.
Таа организираше прием за лидерите во Бакингемската палата во Лондон, каде што се одржува самит по повод 70-годишнината од формирањето на Алијансата.
На приемот кај кралицата присуствуваше и премиерот Зоран Заев, кој ја предводи македонската делегација во чиј состав се и министерката за одбрана Радмила Шекеринска, шефот на дипломатијата Никола Димитров и вицепремиерот Бујар Османи.
Во завршната декларација од Самитот предвидено е во посебен параграф да биде забележано дека земјава е добредојдена како 30. членка на НАТО.