Вицепремиерот Бујар Османи, кој присуствуваше на денешното заседание на Венецијанската комисија на кое беше усвоено мислењето за Законот за употреба на јазици, објави фотографија на „Фејсбук“ на која седи веднаш до членката на Комисијата од Северна Македонија, Тања Каракамишева, но двајцата се свртени со погледите на сосема различни страни. Такви им се „погледите“ и на законот за јазици.
Османи објави своја верзија на мислењето усвоено од Комисијата. Во објавата на „Фејсбук“ тој наведува:
– Комисијата нема мандат за оцена на уставноста, тоа е прашање на земјата;
– Комисијата ја поздравува пошироката употреба на албанскиот јазик;
– Комисијата смета дека употребата на двојазичноста во банкнотите и униформите на војската е пракса во неколку земји и не е во спротивност со меѓународните норми;
– Комисијата го омекна вордингот во однос на спремноста на администрацијата за двојазичност во судството, додавајќи го зборот МОЖЕБИ нема капацитети и бара наша флексибилност;
– Комисијата смета дека глобите за непочитување на законот се превисоки и треба да се разгледаат…
Инаку, во мислењето усвоено денеска Венецијанската комисија ги повикува властите на Северна Македонија да го преиспитаат Законот за употреба на јазиците преку консултации со сите засегнати страни.
Повеќе за содржината на соопштението издадено од Комисијата прочитајте ТУКА.