Полицијата вчера запленила вкупно 48 килограми дрога во Прилепско, информираше Министерството за внатрешни работи (МВР).
Станува збор за 15 килограми хашиш и 33 килограми марихуана, а уапсени се три лица од селото Дебреште.
Полицијата акцијата ја спровела во координација со Основното јавно обвинителство Прилеп синоќа околу 20 часот.
„На патниот правец од Прилеп кон селото Дебреште, на место во близина на градските гробишта лишен од слобода е В.И. (55), кај кого се пронајдени четири вреќи со околу 48 килограми дрога (хашиш и марихуана) кои ги подготвувал за транспорт. По преземени дополнителни мерки и активности, околу 20.30 часот во Прилеп е лишен од слобода Н.Д. (46), за кој е утврдено дека бил организатор на транспортот. Потоа од слобода е лишен и Е.И. о наредба од Основен суд Прилеп, извршени се претреси на три локации во селото Дебрешта и одземени се две патнички возила, мерцедес и голф, во врска со овој случај“,
велат од МВР.
Приведените денеска ќе бидат изведени пред судија на претходна постапка во прилепскиот суд.