„Проширувањето е клучна безбедносна гаранција – ние треба да го продолжиме и забрзаме овој процес“, напиша Кошта на Икс
Упати благодарност до францускиот претседател Емануел Макрон за домаќинството на состанокот и оцени дека средбата е навремена и значајна за унапредување на поддршката за Украина
Проширувањето останува најважната геополитичка инвестиција со Украина, Молдавија и Западен Балкан, напиша претседателот на Европскиот совет, Антонио Кошта, на својот профил на Икс по состанокот на „Коалицијата на волјата“ во Париз.
„Проширувањето е клучна безбедносна гаранција – ние треба да го продолжиме и забрзаме овој процес“,
вели Кошта.
Упати благодарност до францускиот претседател Емануел Макрон за домаќинството на состанокот и оцени дека средбата е навремена и значајна за унапредување на поддршката за Украина.
„Европската Унија е целосно обединета во својата стратегија за мир преку сила со зголемување на поддршката за Украина, зголемување на притисокот врз Русија и унапредување на патот кон праведен и траен мир“,
рече Кошта.
Најави продолжување на процесот на пристапување на Украина во ЕУ и посочи дека ќе биде отворен уште еден преговарачки кластер, со што земјата ќе се приближи до својата европска иднина.
We just held a timely meeting of the Coalition of the Willing in Paris to advance our support for Ukraine. Many thanks to President @EmmanuelMacron for hosting us.
— António Costa (@eucopresident) July 13, 2026
The EU is fully united in its strategy of peace through strength: increasing support for Ukraine, increasing… pic.twitter.com/oBMLPlmIzt
Како претставник од земјава, на состанокот на „Коалицијата на волјата“, учествуваше и вицепремиерот и министер за европски прашања Беким Сали.
Тој утре ќе присуствува на традиционалната воена парада во Париз по повод Националниот празник на Франција, кој годинава се одржува под мотото „Стратегиско будење на Европа“.