Локалниот огранок на движењето „Extinction Rebellion“ во соопштението за јавноста пишува дека ваквото исклучување на голф терените од ограничувањата за користење на вода покажува дека „економското лудило има предност во однос на еколошкиот разум“
Екоактивисти на југоисток на Франција со цемент пополнија дупки на голф-терени во знак на протест, поради тоа што овие спортски површини се исклучени од ограничувањата за користење вода во екот на сушата со која се соочува оваа земја, пренесуваат тамошните медиуми.
Саботажата ја направија на голф-терени во близина на градот Тулуз, нарекувајќи го овој спорт „индустрија на слободното време на најпривилегираните“.
Исклучувањето на голф-терените од оваа мерка предизвика контроверзии, бидејќи 100 села во Франција немаат вода за пиење.
Од голф-федерацијата на Франција велат дека терените би пропаднале после само три дена доколку не се полеваат со вода.
„Голфот без терен е како лизгалиште без мраз“,
изјави Жерар Ружије од француската голф-федерација.
Тој додаде дека 15 000 луѓе работат на одржување на голф-терените ширум Франција.
Локалниот огранок на движењето „Extinction Rebellion“ во соопштението за јавноста пишува дека ваквото исклучување на голф терените од ограничувањата за користење на вода покажува дека „економското лудило има предност во однос на еколошкиот разум“.
„Додека жителите не можат да ги налеваат градините или да ги перат автомобилите во најтешко погодените места, терените за голф ги избегнаа ограничувањата ширум земјата“,
пишува во нивното соопштение.
Досега само во еден регион во западна Франција е забрането користење вода во голф-терените.