Таа изјави дека продолжува „силната финансиска помош“ за Украина и вели дека наскоро ќе започне распределбата на пакетот за поддршка од 18 милијарди евра
Претседателката на Европската комисија Урсула фон дер Лајен денеска во телефонски разговор со украинскиот претседател, Володимир Зеленски ја потврди поддршката на Европската Унија (ЕУ) за Украина во војната што ја започна Русија на 24 февруари, минатата година.
„На украинскиот народ му ја пренесов мојата сесрдна поддршка и најдобри желби за 2023 година. ЕУ стои со вас, онолку долго колку што е потребно“,
напиша Фон дер Лајен на Твитер по нејзиниот прв телефонски разговор со претседателот на Украина во 2023 година.
In the 1st call of the new year with President @ZelenskyyUa, I conveyed my wholehearted support and best wishes for 2023 to the Ukrainian people.
— Ursula von der Leyen (@vonderleyen) January 2, 2023
The EU stands by you, for as long as it takes.
We support your heroic struggle.
A fight for freedom and against brutal aggression. pic.twitter.com/sKZKilUpDg
Фон дер Лајен го посети Киев неколку пати откако десетици илјади руски војници ја преминаа границата на Украина од Русија и Белорусија кон крајот на февруари 2022 година. Нападот беше дочекан со цврста украинска одбрана на нејзината територија и невидени меѓународни санкции против Москва.
„Ја поддржуваме вашата херојска борба“,
додава претседателката на Европската комисија во својта објава на Твитер, опишувајќи ја како „борба за слобода наспроти бруталната агресија“.
Таа изјави дека продолжува „силната финансиска помош“ за Украина и вели дека наскоро ќе започне распределбата на пакетот за поддршка од 18 милијарди евра.
Таа, исто така, рече дека напорите за помош оваа зима ќе вклучуваат „генератори, светилки, засолништа и училишни автобуси“.
Фон дер Лајен рече дека со нетрпение очекува наскоро повторно да се сретне со Зеленски во Украина.