Шефицата на Европската Комисија, Урсула фон дер Лајен, од среда започнува нова турнеја низ земјите од Западен Балкан, а целта на посетата е да му се пренесе на регионот дека тој е важен за Европската Унија. Ова денеска го најави портпаролот Ерик Мамер. Главната порака од посетата на Фон дер Лајен е посветеноста на ЕУ за европската интеграција на регионот.
Фон дер Лајен турнејата ќе ја почне од Северна Македонија, а после Скопје, претседателката ќе отпатува во Приштина и Тирана во четврток, Сараево и Белград во петок и Подгорица во сабота.
Во Србија се очекува неизбежно претседателката да го повтори барањето на ЕУ Белград да усвои санкции против Русија.