„Флајтрадар 24“: Летот на Пелоси за Тајван ги урна сите рекорди – тоа е најследен лет во реално време во историјата

Во моментот кога слета во Тајпеј, (летот) SPAR19 го следеа повеќе од 708 000 луѓе ширум светот, објави вебстраницата за следење летови

Летот со кој претседателката на Претставничкиот дом на САД, Ненси Пелоси пристигна во вторникот во Тајван, беше најследен во историјата на „Флајтрадар 24“, објави вебстраницата за следење летови.

„Во моментот кога слета во Тајпеј, (летот) SPAR19 го следеа повеќе од 708 000 луѓе ширум светот, што го прави најследен лет во реално време во историјата на ‘Флајтрадар 24’“,

се вели во соопштението.

По полетувањето од Куала Лумпур, воениот авион со кој патувала Пелоси бил следен од повеќе од 200 000 луѓе за време на летот над Индонезија, а тој број „пораснал кога авионот се приближувал до Тајван“, објави „Флајтрадар“.

Пелоси отпатува за Тајван во вторникот, и покрај силните предупредувања од Кина, што е прва посета на американски официјален претставник на островската држава во последните 25 години.

„Посетата на нашата конгресна делегација на Тајван е потврда за безусловната поддршка на Америка за енергичната демократија на Тајван“,

рече Пелоси во изјавата веднаш по слетувањето.

(ФОТО) Пелоси пристигна во Тајван, Кина упати протест до САД

Кинеското Министерство за надворешни работи го осуди „сериозното непочитување“ на американските обврски кон Кина, што ги „поткопува мирот и стабилноста“ во регионот.

Додека Пелоси е во посета, Кина изведува големи воени вежби кај Тајван

Пелоси во тајванскиот парламент: Вие сте едно од најслободните општества во светот