Заштитата на здравјето на граѓаните во текот на изборниот процес беше на највисоко ниво, порача министерот за здравство Венко Филипче на својот профил на Фејсбук.
„Голема благодарност за свесноста и почитувањето на мерките од страна на сите гласачи – покажавме дека можеме да функционираме со почитување на протоколи и мерките за заштита“,
порача Филипче.
Тој изрази благодарност и до сите медицински работници, членови на избирачките одбори, Комисијата за заразни болести и сите вклучени во организацијата на парламентарните избори во текот на трите дена на гласање.
„Тоа е начинот на којшто ќе продолжиме да живееме безбедно – со носење маска, дезинфекција, почитување дистанца и почитување на протоколите“,
напиша Филипче