Министерот за здравство Венко Филипче денеска се сретна со претставници на приватните млади специјализанти кои работат во ковид-центрите во Клиничкиот центар. Состанокот се одржа на барање на специјализантите и се разговараше за регулирањето на нивниот статус, како и условите во кои работат.
Филипче рече дека Министерството за здравство и Владата отвориле можности секој млад здравствен работник својата иднина да ја гледа во јавното здравство во земјава и таквата политика ќе продолжи.
„Инвестирањето во младите е најважно, затоа што тие се иднината во јавното здравство. Клучно за креирањето на здравствените политики е учеството на младите здравствени работници. Наша цел е да го решиме статусот на младите лекари во земја со трајно вработување“,
рече Филипче.
Разговорите ќе продолжат, а следниот состанок е закажан за наредната недела.