„Актуелната власт не презема конкретни чекори во однос на забрзување на процесот на евроинтеграција на државата и покрај тоа што ветуваа дека ќе ја подобрат преговарачката позиција. Во моментов имаме ситуација кога патот кон ЕУ е доведен во ризична состојба, а со тоа и иднината на државата“, рекол Филипче
Добрососедските односи помеѓу Северна Македонија и Албанијa, како и идните политики во делот на забрзување на евроинтеграцискиот процес на двете држави биле во фокусот на разговорите меѓу претседателот на СДСМ Венко Филипче со претседателка на Собранието на Република Албанија, Елиса Спиропали.
На средбата, Филипче и Спиропали се согласиле дека Северна Македонија и Албанија мора заедно да продолжат по европскиот пат, со фокус на исполнување на обврските и размена на искуства во рамки на процесот на пристапување кон Европската Унија, што е важно за иднината на граѓаните на двете држави.
Филипче, како што велат од СДСМ, посочил дека загрижува политиката на актуелната власт во однос на евроинтеграцискиот процес на државата.
„Актуелната власт не презема конкретни чекори во однос на забрзување на процесот на евроинтеграција на државата и покрај тоа што ветуваа дека ќе ја подобрат преговарачката позиција. Во моментов имаме ситуација кога патот кон ЕУ е доведен во ризична состојба, а со тоа и иднината на државата“,
рекол Филипче.
На средбата била потврдена досегашната соработка помеѓу Северна Македонија и Албанија, и важноста од зајакнување и унапредување на регионалната соработка како на економско така и на билатерално ниво.
Воедно, на средбата, Филипче ја истакнал соработката со сестринската Социјалистичка партија на Албанија, на билатерално ниво и во рамки на Партијата на европски социјалисти.