Публикациите покажуваат дека смртноста кај пациентите кои се поставени на респираторна машина, како последица од коронавирусот, е околу 98 проценти.
Според министерот за здравство, Венко Филипче, смртноста во земјава од околу 4 проценти е во просечната светска рамка.
На новинарското прашање во однос на смртноста, земајќи во предвид дека во соседните земји е значително помала, и дали се штитат болничките капацитетите и пациентите се оставаат на домашно лекување, Филипче нагласи дека болничките капацитети се подготвени и за третман на најтешките форми на болеста.
„Болничките капацитети се подготвени, тие не се ни преполнети, подготвени се и за третман на најтешки форми на болеста. Во неколку наврати досега коментиравме дека станува збор за болест којашто во онаа најтешка форма, кога се пацинетите на респираторна машина, публикациите укажуваат дека смртноста е околу 98 проценти значи тоа е вирус, болест, којашто ги напаѓа сите органи. Во онаа најтешка манифестација на болеста и покрај сите преземени мерки за жал за пацинетите не може да се направи ништо,
истакна министерот за здравство.