Добро е, коментира лидерот на СДСМ во објава на Икс, што во коалицијата на ВМРО-ДПМНЕ и ЗНАМ постојат луѓе што ја гледаат вистината за власта која, според него, претставува криминална организација што ја уништува државата
Вратата на СДСМ е отворена за сите што сакаат да се оградат од оваа криминална група и да не бидат запаметени како соучесници во пропаста на Македонија – порача лидерот на СДСМ, Венко Филипче, по одлуката на пратеникот Миле Цеков да ја напушти пратеничката група на ЗНАМ и да дејствува како независен во парламентот.
Добро е, коментира Филипче во објава на Икс, што во коалицијата на ВМРО-ДПМНЕ и ЗНАМ постојат луѓе што ја гледаат вистината за власта која, според него, претставува криминална организација што ја уништува државата.
„Тендер-коалицијата почнува да се распаѓа! Доаѓа времето на вистината, правдата и одговорноста! На сите што сакаат да се оградат од оваа криминална група и да не бидат запаметени како соучесници во пропаста на Македонија – вратата на СДСМ е отворена за соработка. Доаѓа времето на вистината, правдата и одговорноста!“,
пишува Филипче во објавата на Икс.
Тендер-коалицијата почнува да се распаѓа!
— Venko Filipce (@VFilipche) April 30, 2026
Пратеникот Цеков ја напушти пратеничката група на ЗНАМ и од денеска е независен пратеник.
Добро е што внатре во ВМРО-ЗНАМ се наоѓаат луѓе кои ја гледаат вистината – дека оваа власт е чиста криминална организација која ја уништува…
Пратеникот Миле Цеков од редовите на ЗНАМ денеска објави дека ја напушта својата матична партија, се повлекува од парламентарното мнозинство и дека отсега ќе дејствува како независен во Собранието. Рече дека неговата одлука произлегува од состојбите во државата поврзани со корупцијата, селективната правда и нефункционалноста на институциите, како и од социјално-економските предизвици со кои се соочуваат граѓаните.