Министерот за здравство вели дека тестирањето за ковид-19 се одвива во три смени, поради силниот есенски бран
Лабораториите се оптоварени, иако се работи во три смени, така што сега се бараат решенија за отворање нови термини, објави вечерва на фејсбук министерот за здравство Венко Филипче, по реакциите во јавноста дека тешко се доаѓа до термин за тестирање за ковид-19 во јавното здравство.
Силниот есенски бран ги оптовари лабораториите за тестирање, но се работи на изнаоѓање решение за нови термини“,
вели Филипче.
Тој информира дека викендов сите лаборатории ќе работат со полн капацитет за да се постигне со обработката на тестови.
„Денеска разговаравме за отворање нови термини на почетокот на следната недела. Сите капацитети се максимално ангажирани, колегите работат во три смени. Верувам дека брзо ќе изнајдеме решение за надминување на состојбата“,
потенцира Филипче.