„Фајзер/Бионтек“ поднеле барање до Европската агенција за лекови да може да се прошири примената на нивната вакцина против коронавирусот кај деца на возраст од 12 до 15 години.
Нивното барање, како што објаснуваат од компаниите, е врз основа на позитивните резултати од клиничкото испитување во доцна фаза, кое опфатило 2.260 учесници на возраст од 12 до 15 години.
Компаниите, претходно овој месец, поднесоа слично барање до регулаторното здравствено тело во САД за својата вакцина, која е веќе одобрена за употреба кај луѓето на возраст над 16 години и во САД и во ЕУ.
Директорката на американскиот Центар за контрола и превенција на болести, Рошел Валенски неодамна изјави дека очекува вакцината на „Фајзер/Бионтек“ да биде одобрена за деца од 12 до 15 години до средината на мај.