Францускиот претседател Емануел Макрон на Икс напиша дека телефонски му ја честитал победата на Петер Маѓар на денешните парламентарни избори во Унгарија и му порачал – да чекориме заедно напред кон посуверена Европа. Унгарија ја избра Европа, напиша на социјалната мрежа Икс претседателката на Европската комисија, Урсула фон дер Лајен
Унгарија ја избра Европа, напиша на социјалната мрежа Икс претседателката на Европската комисија, Урсула фон дер Лајен откако стана јасно дека опозициската Тиса на Петер Маѓар победи на денешните парламентарни избори во Унгарија.
„Унгарија ја избра Европа. Европа секогаш ја избираше Унгарија. Една земја го враќа својот европски пат. Унијата станува посилна“,
напиша таа на Икс.
Hungary has chosen Europe.
— Ursula von der Leyen (@vonderleyen) April 12, 2026
Europe has always chosen Hungary.
A country reclaims its European path.
The Union grows stronger.
Magyarország Európát választotta.
Európa mindig Magyarországot választotta.
Egy ország visszatér az európai útjára.
Az Unió erősebbé válik.
Францускиот претседател Емануел Макрон, пак, на Икс напиша дека телефонски му ја честитал победата на Петер Маѓар и му порачал – да чекориме заедно напред кон посуверена Европа.
„Штотуку разговарав со Петер Маѓар за да му честитам за победата во Унгарија! Франција ја поздравува победата на демократското учество, приврзаноста на унгарскиот народ кон вредностите на Европската Унија, како и европската посветеност на Унгарија. Да чекориме заедно напред кон посуверена Европа, за безбедноста на нашиот континент, за нашата конкурентност и за нашата демократија“,
напиша Макрон.
Most beszéltem Magyar Péterrel, hogy gratuláljak neki a magyarországi győzelméhez!
— Emmanuel Macron (@EmmanuelMacron) April 12, 2026
Franciaország üdvözli a demokratikus részvétel győzelmét, a magyar nép ragaszkodását az Európai Unió értékeihez, valamint Magyarország európai elkötelezettségét.… pic.twitter.com/GXBxreTMSs
Денеска во Унгарија се одржаа парламентарни избори на кои падна владејачката Фидес на премиерот Виктор Орбан по 16 години на власт. Победничка партија е опозициската Тиса на Петер Маѓар.
Според првичните информации на Националната изборна канцеларија на Унгарија, по пребројани 93 отсто од гласовите, опозициската Тиса освоила 138 мандати, а владејачката Фидес освоила 54 мандати. Во унгарскиот парламент треба да влезат 199 пратеници. Тоа значи дека Тиса обезбеди двотретинско мнозинство.
Орбан веќе се обрати пред своите поддржувајќи признавајќи го поразот и велејќи дека резулатот од изборите за нив е болен, но јасен. Тој додаде дека веќе му ја честитал победата на Маѓар.
Илјадници поддржувачи на унгарската опозициска партија Тиса вечерва се собраа на плоштадот Батањи во Будимпешта, за да го слушнат победничкото обраќање на Маѓар. Собирот се одржува на брегот на Дунав, спроти зградата на парламентот.