Министрите за надворешни работи на ЕУ утре ќе разговараат за шести круг санкции кон Москва поради инвазијата врз Украина, но блокот останува поделен околу забраната за увоз на руски гас и нафта.
Претседателката на Европската комисија, Урсула фон дер Лајен, за време на посетата на Киев рече дека ЕУ сега е ангажирана во „воведување санкции“ против Русија за се посилно казнување на претседателот Владимир Путин заради неговата одлука за инвазија на неговиот прозападен сосед.
„Ја мобилизираме нашата економска моќ за да го натераме Путин да плати многу, многу висока цена. Воведовме пет бранови санкции без преседан против Русија. И веќе го подготвуваме следниот бран“.
рече таа.
Иако санкциите што најмногу ќе и наштетат на Русија – бојкотот на ЕУ за нејзиниот извоз на нафта и гас не се формално на маса, дипломатите на Европската унија признаваат дека има дискусии за нив.
Украинскиот претседател Володимир Зеленски постојано повикуваше на такви ембарга од ЕУ.
Петтата рунда санкции, воведени од петокот, вклучува забрана за увоз на руски јаглен во ЕУ.