ЕУ ја поздрави одлуката на Бајден да ги врати САД во Парискиот договор

ЕУ ја поздрави одлуката на новоименуваниот претседател Џозеф Бајден да ги врати Соединетите Американски Држави во Парискиот договор и веќе денеска ги најави првите контакти со американската администрација.

Oфицијално: САД станаа првата држава што се повлече од Парискиот договор за климатски промени

„Се радуваме на враќањето на САД на наша страна во водењето на глобалните напори за борба против климатската криза. Климатската криза е главниот предизвик на нашето време и може да се реши само со комбинација на сите наши сили“,

порачаа во заедничката изјава високиот претставник за надворешни работи и безбедносна политика на ЕУ, Жозеп Борел и потпретседателот на ЕК, Франс Тимерманс.

Европската комисија најави дека Тимерманс денеска телефонски ќе разговара со американскиот специјален претседателски пратеник за климата, Џон Кери, за подготовката на климатскиот самит во Глазгов во ноември 2021 година.

САД остануваат во СЗО, а можно е и приклучување на Ковакс

Враќање на САД во СЗО и во Парискиот договор, укинување на забраната за влез на муслиманите во САД: Што прво ќе промени Бајден од политиката на Трамп