Петмина загинаа, а неколкумина се исчезнати во ерупцијата на вулканот на островот Вајт Ајленд на Нов Зеланд, соопшти тамошната полиција.
Се работи за туристти кои во моментот на ерупцијата шетале по кратерот на вулканот кој последен пат еруптираше во 2001 година.
Според полицијата, на островот се наоѓале 50 туристи, а 23 лица се спасени, но лошите услови ја попречуваат операцијата. Во спасувањето се вклучила и војската.
Вајт Ајленд или познат како Вакаари, е еден од најактивните вулкани во земјата, но и покрај ова, приватниот остров е туристичка дестинација со чести дневни пешачки тури и хеликоптерски надлетувања.
Ерупцијата се случи околу 14 часот по локално време и еден од туристите сними густ столб од чад и пепел како излегува од кратерот.