Сите дипломатски претставништва ќе дознаат за насилството на охридскиот советник Нефи Усеини – соопшти еколошкото движење „Еко герила“.
Реакцијата на екологистите доаѓа откако вчера советникот од ДУИ во општина Охрид, физички го нападнал професорот Илјаз Илјази – експерт за животна средина и соработник на екологистите, кој во својство на претседател на куќен совет пријавил проблем со водата, по што екипите на „Водовод“ откриле дека некој краде вода. Тогаш на сцена стапил Усеини, кој се обидел да го истепа Илјази.
„Високо го цениме придонесот што г. Илjаз Илjази како наш надворешен советник и експерт за прашања поврзани со загадувањето на животната средина, изразуваме сериозна загриженост дека владеењето на правото во нашата земја е далеку над очекувањата на граѓаните. Културата на неказнивост за кривични дела кон политички службеници е неподнослива. Ги повикуваме Јавното обвинителство и Министерството за внатрешни работи итно да одговорат и да ги казнат сторителите, без разлика на политичката поддршка што може да ја имаат. Ова реакција ќе ја испратиме и до меѓународните организации и амбасади за да ги потсетиме дека еден од клучните услови за започнување преговори со ЕУ е судската реформа, борбата против корупцијата и организираниот криминал и владеењето на правото.“,
стои во реакцијата на „Еко герила“.
Името на советникот Усеини изминативе месеци е едно од најспоменуваните кога се работи за проблеми поврзани со заштитата животната средина – во Охрид има две дивоградби во заштитениот појас, а неговата фирма била пријавена и за тендер за уривање на дивоградбите, случај по кој интервенираше и Антикорупциска.