Еврокомесарот за проширување Оливер Вархеји околу пладне ќе го презентира извештајот за ревидираната методологија за преговори пред новинарите и пред европратениците.
МИА вчера го објави нацрт-текстот кој треба Европската комисија да го усвои и објави денеска и со кој на земјите членки и на Европскиот парламент им се нуди ревидирана методологија на преговарачкиот процес за проширување.
Европската комисија инсистира на тоа дека не станува збор за промена на процесот, туку за негова ревизија со цел тој да стане подинамичен и поефикасен. Последната ревизија на овој процес датира од 2003 година.
Документот содржи четири столба: кредибилитет, политичко управување, динамичност и предвидливост односно условеност.
Овој предлог треба да биде прифатен од земјите членки на ЕУ, најрано кон крајот на овој месец, а Европската комисија за две седмици ќе ги објави и извештаите за реформскиот напред во Северна Македонија и Албанија.
Доколку земјите членки се согласат со новата методологија и оценат дека реформите се исполнети, тогаш има шанси за зелено светло за преговори на самитот во март во Брисел.
*Поврзани вести
За европските социјалдемократи, францускиот предлог за методологијата не е целосно прифатлив
Тимоние за Телма: Не ни е цел да ве разочараме, туку да ве прифатиме во ЕУ под најдобри услови