Во денеска објавениот документ вакцинацијата против коронавирус се дефинира како главна мерка. Дополнително, ЕК ги повикува земјите од ЕУ да продолжат да ги тестираат луѓето, да обезбедат слободно движење во ЕУ и да се борат со дезинформациите за пандемијата
Европската комисија (ЕК) ги повика земјите-членки на ЕУ да преземат чекори за да се подготват за нова фаза на пандемијата, која би можела да се случи наесен. Ова се наведува во денешното соопштение на Европската комисија во Брисел, пренесе БГНЕС.
„Денеска, Европската комисија предлага серија активности за управување со тековната фаза на пандемијата ковид-19 и за подготовка за следната. За време на новата фаза на пандемијата, кога мора да се одржи подготвеноста и одговорот, од суштинско значење ќе биде координираноста. Затоа, Европската комисија ги повикува земјите-членки да преземат акција пред есен за да обезбедат внимателност и континуирана координација на здравствената подготвеност и одговор“,
се вели во документот.
ЕК ја дефинира вакцинацијата против коронавирус како главна мерка. Дополнително, ЕК ги повикува земјите од ЕУ да продолжат да ги тестираат луѓето, да обезбедат слободно движење во ЕУ и да се борат со дезинформациите за пандемијата.
Од Европската Комисија минатата недела порачаа дека е прерано да се укинат ковид ертификатите иако тие сѐ помалку се користат во земјите членки на ЕУ.