Одлуката за затворање на границите со Северна Македонија и Албанија беше донесена пред една година, на 15 март лани
Грција ја продолжи забраната за влез на странски државјани до 22 март.
Таа не се однесува на граѓаните на Европската унија и на земјите од Шенген зоната, на нивните сопружници или лица со кои се во законска заедница, како и за нивните малолетни деца, на медицинскиот персонал, истражувачите и здравствените работници, доколку тие покажат работна дозвола или друг соодветен документ со кој се докажува нивната професија при влез во земјата, под услов тоа да е за професионални цели, како и на лица кои имаат подолг престој во земја-членка на ЕУ или во земја од Шенген зоната.
Исклучок се и членови на државни делегации, персонал на дипломатски и конзуларни претставништва и делегации, персонал на меѓународни и европски институции, членови на хуманитарни организации за време на активности, воен персонал и припадници на безбедносните сили или на грчкиот Генерален секретаријат за цивилна заштита .
Во земјата можат да влезат патниците во транзит, студентите кои студираат во Грција, вработените во областа на транспортот, вклучително и поморскиот и речниот превоз, луѓето кои се задолжени за нега на стари лица и лица со посебни потреби, како и сезонските земјоделски работници.
Одлуката за затворање на границите со Северна Македонија и Албанија беше донесена пред една година, на 15 март лани.
Грција од 7 ноември 2020 година е во карантин и со воведен полициски час, со исклучок на мали временски периоди кога постоеше олабавување на мерки, додека пак областа Атика, поширокиот регион на Атина во строг карантин е повеќе 20 дена.