Инцидентот се случил во локалот „Бон Вивант“, а според информациите на косовската полиција, станува збор за лица на возраст од 20 до 40 години
Регионалниот сервис на Радио Слободна Европа, повикувајќи се на полициско соопштение, пренесува дека во моментов има вкупно четворица осомничени за инцидентот. И тие се меѓу повредените и се наоѓаат во Клиничкиот центар во Приштина, каде што по наредба на обвинител се под надзор на полицијата
Едно лице загина, a над 20 се повредени во пукање кое доцна синоќа пред полноќ се случило во угостителски објект во центарот на Приштина, јавуваат косовските медиуми.
Инцидентот се случил во локалот „Бон Вивант“, а според информациите на косовската полиција, станува збор за лица на возраст од 20 до 40 години.
Како што соопштила полицијата, четворица од повредените биле застрелани, додека 17, од кои 14 жени, се здобиле со повреди од скршено стакло.
Портпаролот на регионалната полиција во Приштина, Афрон Боровци, за медиумите изјавил дека синоќа околу 23:30 часот било пријавено пукање во локал на улицата „Реџеп Лучи“ во градот.
„Полицијата веднаш излезе на местото на настанот и според првите информации постои сомнеж дека има повредени од огнено оружје, а други од фрагменти од стакло“,
изјавил Боровци.
На местото на инцидентот излегле надлежни полициски единици, кои пронашле чаури и дамки од крв, пренесува регионалниот сервис на Радио Слободна Европа, повикувајќи се на соопштение на косовската полиција.
Лицето кое загинало во пукањето, како што пренесува РТС, е 39-годишен маж. Тој бил префрлен во Клиничкиот центар во Приштина, каде што по хируршката интервенција бил пренесен на реанимација, но и покрај интензивната терапија утрово им подлегнал на повредите.
Според директорот на одделението за интензивна нега на Кличнкиот центар во Приштина, Шаќир Ука, мажот имал повреди во пределот на стомакот.
Регионалниот сервис на РСЕ, повикувајќи се на полициско соопштение, пренесува дека во моментов има вкупно четворица осомничени. И тие се меѓу повредените и се наоѓаат во Клиничкиот центар во Приштина, каде што по наредба на обвинител се под надзор на полицијата.
Сомнежите се дека на пукањето му претходела расправија меѓу осомничените.
„Постојат сомнежи дека по расправија во локалот меѓу осомничените мажи било употребено и огнено оружје (во престрелката)“,
пишува РСЕ цитирајќи соопштение на косовската полиција.