Како што информира портпаролот на Секторот за внатрешни работи Охрид, Стефан Димоски во несреќата учествувале три патнички возила, две со охридски и едно со струшки регистарски ознаки
Во тешка сообраќајна несреќа што попладнево се случила на магистралниот пат Охрид – Кичево, едно лице го загубило животот, а петмина се повредени, соопшти охридската полиција.
Како што информира портпаролот на Секторот за внатрешни работи Охрид, Стефан Димоски во несреќата учествувале три патнички возила, две со охридски и едно со струшки регистарски ознаки.
„Денеска околу 16.40 часот на магистрален пат Охрид-Кичево се случи сообраќајна несреќа меѓу патничко возило „киа рио“ со охридски регистарски ознаки, управувано од Р.А.(57) од Охрид, патничко возило „ауди“, со струшки регистарски ознаки, управувано од Ш.П.(22) од Струга и патничко возило „поло“ со охридски регистарски ознаки, управувано од Г.Р.(39) од Охрид“,
изјави Димоски.
Според портпаролот на СВР Охрид, на местото на несреќата починал педесет и седумгодшниот Р.А. кој бил зад воланот на автомобилот марка „киа рио“, а повредени се пет лица, кои се пренесени во болницата „Свети Еразмо“ и во охридската Општа болница.
Полициски екипи извршиле увид на местото на несреќата.