Сообраќајката се случила помеѓу товарно возило „сканија“ со кавадаречки регистарски ознаки и патничко возило „голф“ со демиркаписки регистарски таблички
Две повредени лица се пренесени во болниците во Неготино и Кавадарци по денешната сообраќајна несреќа што се случи на патот Неготино-Демир Капија, информираат за „360 степени“ од Секторот за внатрешни работи(СВР) Велес.
Сообраќајната несреќа се случила денеска околу 12 часот во близина на село Прждево, на регионалниот пат Неготино-Демир Капија.
Сообраќајката се случила помеѓу товарно возило „сканија“ со кавадаречки регистарски ознаки и патничко возило „голф“ со демиркаписки регистарски таблички.
На местото на несреќата, како што информираат од СВР Велес, увид вршат полициски службеници од ОВР Неготино.
Денеска од Автомото сојузот на Македонија (АМСМ) информираа дека поради сообраќајната несреќа патот од пладне е затворен за сообраќај во двата правци.