Луиз исчезнала во саботата додека одела дома враќајќи се од куќата на пријател. Таа била пријавена за исчезната бидејќи не дошла дома, а не се јавила ниту на својот мобилен телефон
Две девојчиња на возраст од 12 и 13 години го признаа убиството на 12-годишната Луиз, која во неделата беше пронајдена мртва во близина на нејзиниот дом во сојузната покраина Порање-Фалачка, соопшти полицијата.
„По првото испрашување, девојките дадоа спротивставени изјави, а по второто испрашување го признаа делото“,
изјави портпаролот на полицијата во Кобленц.
Засега ништо не се знае за мотивот на ова злосторство, а се трага и по ножот со кој наводно е извршено убиството.
Државниот обвинител Марио Манвејлер објасни дека двете девојчиња нема да одговараат кривично поради нивната возраст.
„Тоа не значи дека ништо нема да им се случи. Тие се во рацете на центарот за грижа на малолетници“,
рече Манвејлер.
Државниот правобранител рече дека се работи за посебно кривично дело.
Дванаесетгодишната Луиз е пронајдена во неделата наутро во близина на нејзиниот дом, на самата граница меѓу сојузните покраини Рајнска област Пфалц и Северна Рајна Вестфалија, на запад од Германија. Домот на убиената е во сојузната покраина Северна Рајна Вестфалија. Најпрво сомнежите биле дека станува збор за сексуален престап, но обдукцијата не ги потврдила ваквите наоди.
Луиз исчезнала во саботата додека одела дома враќајќи се од куќата на пријател. Таа била пријавена за исчезната бидејќи не дошла дома, а не се јавила ниту на својот мобилен телефон. Била започната потрага во која учествуваа поголем број полициски службеници. Нејзиното тело беше пронајдено во неделата во шумата во близина на железничкиот тунел.
Фото: Илустрација / EPA-EFE/NEWS5