Двајца загинати во сообраќајката на патот Гостивар – Кичево

„Едно лице починало на самото место, а другото во гостиварската болница“, велат од СВР Тетово

Во сообраќајката што вечерва се случи на магистралниот пат Гостивар-Кичево, во која се судрија автомобил и камион, животот го загубија две лица, информираат од СВР Тетово.

Според првичнитее информации, несреќата се случила на три километри преед влезот во Гостивар во близина на неколку угостителски објекти.

Во тек е увид на местото на несреќата, а сообраќајот се пренасочува по околните патни правци, како и локални патишта.

Според СВР Тетово, се судриле патничко возило со гостиварски ознаки и камион со странски таблички.

„Едно лице починало на самото место, а другото во гостиварската болница“,

изјави портпаролот на СВР Тетово Фатмир Реџепи, пренесува МИА.

Сообраќајка на патот Гостивар-Кичево, возилата се пренасочуваат преку селото Рабин

Претходно, АМСМ информираше дека овој патен правец е во целосен прекин.