Од екипите што се на терен, ЦУК имаат информации дека двете починати лица се на постара возраст
Две лица се загинати откако со нивното возило паднале во провалија на планината Галичица, кај местото викано „Превој“, информираат од Центарот за управување со кризи (ЦУК).
Како што информираат од ЦУК, според информаците што ги добиле од регионалниот центар, откако била добиена пријава прво се утврдила точната локација на планината.
Возилото било паднато во провалија на околу 100 до 200 метри длабочина во делот од патот што води од Трпејца кон Преспа преку Националниот парк „Галичица“.
Од екипите што се на терен, ЦУК имаат информации дека двете починати лица се на постара возраст.
„Екипа на Министерството за внатрешни работи од Охрид и Планинската спасителна служба при Црвен крст Охрид се на терен и по направениот увид, продолжија со извлекување на настраданите, а и на возилото од провалијата“,
велат од ЦУК.