Пратеникот Игор Дурловски го напушта Собранието, информираше вечерва на својот профил на Фејсбук.
„Националните интереси, правдата за неправедно прогонетите и нормална држава за нашите деца беа/се мои приоритети. Пратеничката фотелја боде кога политичката прагма станува поважна од моралот. Затоа, го напуштам Собранието на Република Македонија, а на колегите од Коалицијата „За обнова на Македонија“ им посакувам истрајност, доследност, мудрост, кои сум сигурен дека ги имаат. Тоа што го зборував не можам да го направам, но сега нема да зборувам, а ќе продолжам да го правам! Останувам доследен на моите поддржувачи и нивниот глас. Нека ни е честит Денот на македонската револуционерна борба“,
напиша Дурловски на Фејсбук.
Дурловски беше носител на пратеничка листа на ВМРО-ДПМНЕ во петтата изборна единица, а во Собранието се најде на листата на независни пратеници.