Откако ќе започне полицискиот час, граѓаните што живеат во станбени објекти за колективно домување ќе може од 22 до 23 часот, а најмногу до 100 метри од објектот каде што живеат, да ги изнесат надвор своите миленици.
Како што информираат од МВР, овој период е во рамки на забраната и посебниот режим на движење на граѓаните на територијата на Република Северна Македонија.
Рестриктивните ковид-мерки – полицискиот час наместо од 22 во наредните две недели ќе почнува од 20 часот, а од утре за гости се затвораат сите угостителски објекти, како и угостителскиот дел од обложувачниците.
Од денеска се затвораат и фитнес-салите, спортските и салите за вежбање и се забранува и организирање, одржување и учество на семинари, обуки, работилници, курсеви, конференции.