Европската комисија ќе ѝ излезе во пресрет на Франција и ќе усвои промени во методологијата на преговарачкиот процес за членство во ЕУ, но нема да ги менува условите за членство, порача портпарол на ЕК во Брисел во пресрет на денешното претставување на измените. Со измените, процесот ќе стане подинамичен и попредвидлив.
По новата методологија, пак, Германија и Австрија очекуваат почеток на преговори со Скопје во март, пишува „Дојче веле“.
Германија може да „живее“ со предлогот на Комисијата, изјави државниот министер во германското МНР, Михаел Рот, во Брисел. Тој се надева дека Северна Македонија и Албанија во март годинава конечно ќе добијат сигнал за почетокот на преговорите.
И австрискиот канцелар Себастијан Курц се надева дека новата методологија ќе им го отвори патот на двете земји. Прашан дали очекува почеток на преговорите пред мај годинава, Курц во Берлин изјави дека очекува тоа да се случи наскоро.
„Го поддржуваме тоа, и голем оптимист сум дека тоа ќе се случи“, рече Курц.
Целиот текст можете да го прочитате ТУКА.