Фатон Ахмети денеска преку социјалните мрежи се прости од функцијата генерален директор во Фондот за здравствено осигурување. Тој стана директор на Фондот за здравствено осигурување во 2021 г., а неговото директорување ќе се памети по тоа што среде хаварија со системите во ФЗО замина во САД на партиско патување и одби да се врати во земјата.
Тој на социјалните мрежи напиша дека поднел оставка за да се посвети на партијата.
„Својот ангажман ќе го продолжам фокусирајќи се на партиските задачи, со максимална посветеност во реализација на визијата на Али Ахмети“,
напиша Фатон Ахмети.
Инаку, за време на хакерските напади се предизвикаа големи проблеми во дејствувањето на институцијата што ги остави здравствените работници без плата, а аптеките не можеа да ги услужат осигурениците со лекарства навреме. Откако беше обвинет дека заминал во САД на одмор, тој кажа дека не е на годишен одмор во Соединетите Американски Држави, туку дека таму престојува на покана на Стејт департментот на програмата ИВЛП, а патувањето било планирано неколку месеци пред тоа.
Ахмети во тогашната објава на Фејсбук рече дека во текот на целиот престој во САД бил во контакт со колегите од Фондот за здравствено осигурување.