Директорот и коосновач на фармацевтската команија „Бионтек“, Угур Сахин, вели дека пандемијата би можела да заврши и светот да се врати во нормала кон средината на 2022 година.
Тој говорејќи на Самитот на извршни директори во организација на „Волстрит џурнал“ вели дека луѓето ќе може да се ослободат од заштитни маски, карантини откако ќе се достигне високо ниво на вакцинација.
„Треба да обезбедиме навистина високо ниво на вакцинација низ целиот свет. Во спротивно, никој нема да биде безбеден“,
рече Сахин и додаде дека пандемијата ќе заврши само кога целиот свет ќе достигне ниво на имунитет на стадо.
Според него, најоптимистично е дека до средината на 2022 година ќе може да се достигне добар процент на имунизација против ковид, дури и во земји кои се густо населени како Индија.
„Во следните 12 месеци ќе видиме се поголем број на индустриски, сиромашни и земји во развој кои ќе успеат да ја постигнат оваа цел“,
додаде Сахин.
За да се постигнат овие цели, ќе биде потребно да се зголеми производството на вакцини против ковид-19.