Директорката на Државниот санитарен и здравствен инспекторат, д-р Ирина Сотирова Бухова, ќе биде во двонеделна самоизолација, бидејќи имала контакт со лице кај кое е потврден ковид-19.
„По препорака на епидемиолозите јас сум во самоизолација и ќе бидам 14 дена. Имав контакт со позитивно лице, член на потесното мое семејство“,
вели Сотирова Бухова.
Таа преку соопштение се обрати до јавноста и вели дека се чувствува добро и дека нема симптоми.
„Првиот тест покажа дека сум негативна, но по епидемолошката препорака ќе останам дома. Цел период на функционирање во корона-криза апсолутно ги почитував сите протоколи, маска, дезинфекција, како и физичка дистанца“,
додава Сотирова Бухова.