Бугарскиот европратеник вчера предизвика скандал во Европскиот парламент откако во текот на дебата за пресудата на Европскиот суд на правдата, со која се критикува владеењето на правото во Унгарија и Полска, отпоздрави со нацистички поздрав и ја напушти салата
Реагираа од парламентарната група Ренесанса, на која ѝ припаѓа европратеникот Сандро Гоѕи, кому му беше наменет „поздравот“, бидејќи ја бранеше пресудата на ЕСП
Фашистички поздрав во Европскиот парламент за мене е неприфатливо – секаде и секогаш… Ваквиот потег е дел од нашата најтемна историја и таму мора да остане, напиша претседателката на ЕП, Мецола
Бугарскиот европратеник Ангел Џамбаски денеска на Твитер се извини за начинот на кој отпоздрави при напуштањето на салата на Европскиот парламент, што беше оценето како нацистички поздрав до неговиот италијански колега Сандро Гоѕи.
„Фактот што некој не се согласува со вас не значи дека е нацист. Се извинувам ако моето невино мавтање навреди некого“,
напиша тој одговарајќи на твит во кој се критикува неговото однесување.
When you mistake a simple wave with a Nazi salute you have a real Godwin’s law problem. The fact that one disagrees with you does not mean he is a Nazi. I apologise if my innocent wave (meant as an excuse) has insulted anyone but this is some serious case of Reductio ad absurdum.
— Джамбазки (@djambazki) February 16, 2022
И претседателката на Европскиот парламент Роберта Мецола синоќа реагираше на својот твитер-профил за ваквиот гест на Џамбаски.
„Фашистички поздрав во Европскиот парламент за мене е неприфатливо – секаде и секогаш… Ваквиот потег е дел од нашата најтемна историја и таму мора да остане“,
напиша Мецола.
A fascist salute in the European Parliament is unacceptable to me – always and everywhere.
— Roberta Metsola (@RobertaMetsola) February 16, 2022
It offends me and everyone else in Europe.
We stand for the opposite.
We are the House of democracy.
That gesture is from the darkest chapter of our history and must be left there.
Џамбаски вчера предизвика скандал во Европскиот парламент откако во текот на дебата за пресудата на Европскиот суд на правдата, со која се критикува владеењето на правото во Унгарија и Полска, отпоздрави со нацистички поздрав и ја напушти салата.
Реагираа од парламентарната група Ренесанса, на која и припаѓа европратеникот Сандро Гоѕи, кому му беше наменет „поздравот“, бидејќи ја бранеше пресудата на ЕСП.