Талат Џафери, кој пред точно 4 години првпат беше избран за претседател на Собранието, по што следуваше насилниот упад во законодавниот дом, вели дека настаните од „крвавиот четврток, се најлошото нешто што ѝ се случило на нашата парламентарна демократија.
Тој вели дека можеби треба сите да простат, но никако не смее да се заборави за да не се повтори во некој иден парламентарен состав.
„Можеби сите ние треба да простиме. За себе лично можам да кажам дека сум простил зашто функцијата ми налага по изборот да не прекинувам комуникација со опозицијата и со мнозинството пратеници во Собранието, но никој од нас не смее да ги заборави тие настани за некој иден парламентарен состав тоа да не го повтори. Кога сега би давал политичка анализа на тоа што се случи, би се косело со она што е моја функција. Но, општа е перцепцијата дека тогашното мнозинство, во чиј дел претходно бев, за жал, како резултат на односите во мандатите што се добија на изборите во 2016 година, не можеа да состават мнозинство и може да се третира како неподготвеност за пренос на власта според она што беше волја на мнозинството граѓани“,
рече Џафери во гостувањето на МТВ.
*Поврзани вести:
Четири години подоцна: Што се смени по „крвавиот четврток“
СДСМ: 27 април е крвавиот печат на ВМРО-ДПМНЕ
Мицкоски: Не поддржуваме насилство, бараме на осудените за 27 април одново да им се суди
Рангелова: Го осудувам насилството од 27 април, луѓето треба да одговараат ама не за тероризам