Таа е десеттата жртва во масовното пукање што се случи на 3 мај, кога седмоодделенецот К.К. влезе во „Рибникар“ и пукаше во врсниците и вработените. Тој уби осум ученици и училишниот чувар, а рани уште седуммина
Девојчето кое беше тешко рането во масакрот во ОУ „Владислав Рибникар“ во Врачар почина во Универзитетската детска клиника „Тиршова“, соопшти денеска српското Министерство за здравство.
Според информациите, таа починала и покрај итната хируршка интервенција и сите преземени мерки за интензивно лекување.
По пукањето, девојчето со тешки повреди на главата било примено во „Тиршова“, каде што веднаш било оперирано. Директорот на клиниката „Тиршова“, Синиша Дучиќ, тогаш изјави дека операцијата била исклучително тешка, дека животот на детето е загрозен и дека мозокот е тешко повреден. И министерката за здравство Даница Грујичиќ неколку дена по трагедијата изјави дека девојчето е во критична состојба и дека ѝ се во опасност виталните органи.
Таа е десеттата жртва во масовното пукање што се случи на 3 мај, кога седмоодделенецот К.К. влезе во „Рибникар“ и пукаше во врсниците и вработените. Тој уби осум ученици и училишниот чувар, а рани уште седуммина.