Во Скопје времето ќе биде променливо облачно и посвежо, а повремен дожд се очекува само во претпладневните часови
Променливо облачно и посвежо време нè очекува денеска. Ќе има и повремени локални врнежи со дожд и ќе дува слаб до умерен ветер, кој повремено и ќе се засили од североисточен правец.
Според најавите од УХМР, на повисоките планини ќе има и повремени врнежи од слаб снег.
Минималната температура денеска ќе биде од 2 до 8 степени, а максималната од 9 до 15 степени.
Во Скопје времето ќе биде променливо облачно и посвежо, а повремен дожд се очекува само во претпладневните часови. Ќе дува умерен ветер од североисточен правец. Минималната температура ќе се спушти до 6, а максималната ќе достигне до 12 степени.
Од утре, пак, ќе преовладува стабилно време со магла по котлините.