Во Скопје ќе биде променливо облачно, а попладне во делови од котлината ќе биде нестабилно со пороен дожд, грмежи, засилен ветер и услови за изолирана појава на град
Денеска нѐ очекува променливо облачно и нестабилно со повремени локални врнежи од дожд и грмежи. Ќе има појава на невреме со пообилен пороен дожд, грмежи, силен ветер и услови за изолирана појава на град на некои места.
Како што информираат од УХМР, минималната температура ќе биде во интервал од 4 до 10 степени, додека максималната ќе достигне до 23 степени.
Во Скопје ќе биде променливо облачно, а попладне во делови од котлината ќе биде нестабилно со пороен дожд, грмежи, засилен ветер и услови за изолирана појава на град.
Минималната температура ќе се спушти до 9, а максималната ќе достигне до 23 степени.
Во понеделник ќе се задржи променливо облачно и посвежо време со повремен локален дожд.
Од вторник нѐ очекува многу постабилно време, претежно сончево со пониски утрински температури, а дневните ќе бидат во постепен пораст.