Од ЕВН за „360 степени“ информираат дека станува збор за поголем дефект, кој се случил поради прекин на 35 киловолтен далекувод
Поголем дел од скопската општина Центар утринава остана без струја.
Од ЕВН за „360 степени“ информираат дека се работи за поголем дефект, кој се случил поради прекин на 35-киловолтен далекувод.
„Без струја се улиците кај Дебар Маало, Буњаковец, Католичка црква и кај Влада“,
информираат од ЕВН.
Екипи на ЕВН во моментов се на терен и работат на санирање на дефектот.
Поради прекинот на електрична енергија, на дел од крстосниците на ова подрачје утринава се создаде поголем метеж. Семафорите не работат, а сообраќајни полицајци го регулираат сообраќајот.