Докторот од Универзитетската Клиника за Инфективни болести и фебрилни состојби, Илир Демири, во дебата на „360 Степени“, даде препораки до граѓаните за превенција од коронавирусот.
„Во човековата природа е човек да се плаши од непознатото. Но во овој случај нема место за да трошиме енергија за загриженост. Целата енергија да се користи за да се консолидираме во превентива. Превентивата налага да се заштитиме од евентуална инфекција. Ја користам приликата да апелирам до сите наши граѓани кои живеат во Италија или се враќаат од разни места од светот каде присуството на вирусот е поголемo, да користат маски и да внимаваат при комуникација со нивните роднини. Прво да се чуваат сами себе, потоа да ги чуваат и нивните роднини. Со користење на овие превентивни мерки, мислам дека ќе се минимизира бројот на нови случаи. Најважно е да ги oсвестиме другите луѓе кои се потенцијално заразени и доаѓаат од земји каде има зголемен број заразени од коронавирусот, ова е многу важно, да ги почитуваат мерките за лична хигиена, обичните, кивање или кашлање со бонтон, да се користи марамче или рака. Пред јадење или пиење да се мијат рацете. Да се почитува дистанцата на комуникација со луѓе кои не ги познаваме кај кои постои сомнеж дека имаат манифестирани симптоми, доволно е метар и пол дистанца за комуникација. Многу е важно да се избегнува близок контакт на комуникација и во сезона на обичен грип, а особено сега. Поздравувањата да бидат подалечни и со бонтон, да не се прегрнуваат“,
вели Демири.