Техничкиот министер за внатрешни работи Наќе Чулев ќе го назначи Антон Витков за началник на СВР Куманово, неофицијално дознава ТВ „Алсат“.
Со ова, од сите осум сектори за внатрешни работи во МВР, само СВР Тетово засега останува без нов началник.
Дополнителната заменик-министерка Славјанка Петровска за „Алсат“ не можела да го потврди предлогот за нов началник на СВР Куманово.
Освен на секторите за внатрешни работи, Чулев направи промени и во раководствата на други оддели и единици во рамки на МВР.
Според Законот за Владата, техничкиот министер за внатрешни работи, кој доаѓа на предлог на опозицијата, може да „изврши најмногу 15 разрешувања или распоредувања… на носители на раководна позиција во министерството“. Со денот на именувањето лице на раководна позиција, министерот е должен да именува дополнителен заменик на предлог на дополнителниот заменик-министер.
Од назначените нови началници, несогласувања меѓу Чулев и Петровка имаше само за началникот на СВР Скопје, Ристо Ставревски.
Листа на направените смени на раководни позиции во МВР:
СВР Скопје
Началник: Ристо Ставревски
Дополнителен заменик-началник: Тони Јакимовски
СВР Охрид
Началник: Илија Милески
Дополнителен заменик-началник: Сашо Смилевски
СВР Штип
Началник: Александар Николов
Дополнителен заменик-началник: Марјан Коцев
СВР Битола
Началник: Андреј Василевски
Дополнителен заменик-началник: Славко Јовановски
СВР Велес
Началник: Игор Ангеловски
Дополнителен заменик-началник: Злате Јаневски
СВР Струмица
Началник: Васил Тодоров
Дополнителен заменик-началник: Танчо Пројковски
Одделение за внатрешни работи – Прилеп
Началник: Трајче Георгиоски
Дополнителен заменик-началник: Игор Каравилоски
Внатрешна контрола
Помошник на министерот на оддел за внатрешна контрола: Филип Филиповски
Дополнителен заменик: Дејан Андонов
Оддел за специјални полициски операции
Началник: Сашко Зенговски
Дополнителен заменик-началник: Бранко Трајановски
Единица за специјални задачи – „Тигри“
Командант: Ивица Бисовски
Дополнителен заменик командант: Митко Даневски
Оддел за сузбивање на организиран и сериозен криминал во БЈБ
Началник: Александар Јанев
Дополнителен заменик началник: Лазо Велковски
Единица за интервентна полиција во СВР Скопје
Началник: Васко Наумовски
Дополнителен заменик-началник: Примислав Димовски