Четири лица се повредени во напад што се случил вчера во германскиот град Ханау, но за среќа никој не е во животна опасност, јавува Ројтерс.
Нападот го извршиле група мажи кои со ножеви ги напаѓале минувачите. Како што објавува германскиот магазин „Фокус онлајн“, полицијата потврдила дека нападот го извршила група која броела од пет до седум мажи.
Четворицата повредени се пренесени на клиниката во Ханау со убодни повреди.
Според германските медиуми, две лица се осомничени за нападот на возраст од 23 и 29 години, а мотивот за нападот засега не е познат.
Локалната полиција се сомнева дека вчерашниот напад е поврзан со февруарските напади на „шиша-баровите“ кога со огнено оружје беа убиени деветмина странци, а пет беа повредени.
Истрагата за вооружениот напад во февруари се фокусираше на тоа дали напаѓачот Тобијас Р. имал соработници во Германија и надвор.
Германскиот федерален обвинител Пител Франк тогаш рече дека истрагата покажала дека напаѓачот имал екстремно расистички начин на размислување и влијание на теории на заговор.