Властите во Чешката Република веќе трети ден по ред имаат регистрирано повеќе од 100 нови заразени со коронавирус, а во моментов активни се 4 429 случаи, соопшти денеска Министерството за здравство.
Пред десет дена, пак, во главниот град Прага се организираше забава за збогување со коронавирусот. На познатиот Карлов мост се организираше јавна вечера на која присуствуваа илјадници граѓани. На маса долга 500 метри се јадеше и пиеше за да се прослави укинувањето на мерките и крајот на кризата.
Од почетокот на пандемијата во Чешка се дијагностицирани 12 909 пациенти со ковид-19. Од нив излекувани се 8 128 пациенти, а починале 352.