Пратениците на Бугарската социјалистичка партија (БСП) до Народното собрание доставија барање за гласање недоверба на кабинетот на премиерот Бојко Борисов, јави БГНЕС.
Ова е петта интерпелација со која опозицијата се обидува да го симне од власта Борисов. Барањето се совпаѓа со актуелните протести во Софија, а од почетокот на неделата и во голем број градови низ целата земја иницирани од претседателот Румен Радев, кој исто така е социјалист.
Според Деловникот за работа на Народното собрание, дебатата за недоверба на владата мора да почне не порано од три дена, а не подоцна од седум дена, по поднесувањето на предлогот до приемната канцеларија во парламентот.
Гласањето, на пленарна сесија, ќе се одржи 24 часа по завршувањето на дискусиите.