Најмалку две лица загинале откако скокнале од прозорец на хотелот
Најмалку 66 лица загинаа во пожарот што избувна рано утрово во хотел во турскиот ски-центар Болу, а над 50 се повредени, изјави турскиот министер за внатрешни работи Али Јерликаја, пренесува Си-ен-ен.
Пожарот избувнал во 12-катниот хотел „Гранд Картал“ во 3:27 часот по локално време, а тогаш во него престојувале 234 лица.
Најмалку две лица загинале откако скокнале од прозорец на хотелот.
На снимките на социјалните мрежи се гледаат постелнини што висат од прозорците, користени од оние што се обидуваат да избегаат од пожарот.
Гувернерот Абдулазиз Ајдин рече дека според првичните извештаи, пожарот избувнал во ресторанот на четвртиот кат од хотелот, а потоа се проширил на погорните катови.
A devastating fire at a hotel in Turkey leaves at least 10 dead, with people jumping out of windows in panic
— NEXTA (@nexta_tv) January 21, 2025
The tragedy occurred at the popular Kartalkaya ski resort in Bolu, Turkey. The fire broke out in the hotel’s restaurant.
Reports confirm 10 fatalities, two of whom died… pic.twitter.com/L3SiPKlQjZ
Според гувернерот, растојанието помеѓу хотелот и центарот на градот Болу во комбинација со ледените временски услови значело дека е потребно повеќе од еден час за да пристигнат противпожарните возила.
Министерот за внатрешни работи, пак, посочи дека службите за итни случаи распоредиле 267 луѓе за да одговорат на пожарот.
До утрово, противпожарните екипи сè уште се обидуваа да стигнат до одредени делови од хотелот.
Иако пожарот е ограничен на хотелот, издадена е наредба за евакуација на соседните хотели.
Планината Болу е популарна кај скијачите од Истанбул и главниот град Анкара. Северозападниот град Болу се наоѓа на околу 170 километри од Анкара.