Бројот на загинати при уривањето на покривот на клубот во Доминикана се искачи на најмалку 98

Не е познато колку често надлежните ги проверуваат зградите во Доминиканската Република и кога е извршена последната проверка во клубот „Џет сет“, кој е во функција речиси пет децении. Се работи за познат ноќен клуб во јужниот дел на главниот град на Доминикана, Санто Доминго, кој бил отворен во 1973 година како клуб и ресторан, станувајќи најпопуларното место од ваков вид во Доминиканската Република

Бројот на жртви при уривањето на покривот на ноќниот клуб во „Џет сет“ во главниот град на Доминиканската Република се искачи на најмалку 98 лица, а над 160 се повредени.

Несреќата се случила околу 45 минути по полноќ во вторникот за време на концертот на популарната доминиканска пејачка Руби Перез, која е меѓу загинатите. Според локалните власти, за време на несреќата во клубот имало политичари, спортисти и други државници.

• Најмалку 44 загинати и над 160 повредени при уривање на покрив на ноќен клуб во Доминиканската Република

Се проценува дека бројот на присутни во клубот за време на несреќата бил меѓу 500 и 1 000 луѓе.

Пожарникарите и спасувачките екипи, користејќи блокови од скрешниот бетон направија импровизирани штици за да се обидат да стигнат до преживеаните затрупани под урнатините.

Официјални лица велат дека е премногу рано да се утврди причината за уривањето на покривот.

Не е познато колку често надлежните ги проверуваат зградите во Доминиканската Република и кога е извршена последната проверка во клубот „Џет сет“, кој е во функција речиси пет децении. Се работи за познат ноќен клуб во јужниот дел на главниот град на Доминикана, Санто Доминго, кој бил отворен во 1973 година како клуб и ресторан, станувајќи најпопуларното место од ваков вид во Доминиканската Република.

Дејноста на клубот подоцна била префрлена во друг објект, а во 2010 и 2015 година бил реновиран.