Британскиот суд денеска официјално одобри екстрадиција на основачот на Викиликс, Џулијан Асанж, во САД каде што е обвинет за шпионажа, а одлуката ќе ја донесе извршната власт во Лондон, пренесуваат тамошните медиуми.
Дали екстрадицијата ќе биде одобрена сега треба да одлучи британската министерка за внатрешни работи Прити Пател, а Асанж и натаму има право на жалба.
Британскиот Врховен суд минатиот месец не дозволи Асанж да поднесе жалба на пресудата на нискиот суд за да може да биде екстрадиран.
Асанж со години се обидуваше да избегне судење во САД, каде што е обвинет поради објавување голем број доверливи документи пред повеќе од една деценија.
Неговите адвокати имаат рок од четири недели да излезат со аргументи пред министерката Пател, а можат да бараат и поднесување на жалба до Врховниот суд.